尋日就係日本宣布無條件投降嘅77周年嘅日子，就住侵華、殺害中國平民嘅罪行，日本政府方面企圖淡化呢啲惡行，多年嚟都未就事件正式道歉。然後，歷史同埋先輩所受嘅苦永遠都唔能夠忘記！
隨住南京大屠殺倖存者人數愈來愈少，呢段悲慘嘅歷史似乎愈來愈取回公道，但為咗守護歷史、勿忘國恥，近日「南京大屠殺歷史記憶傳承人」就正式上崗！所謂嘅「記憶傳承人」其實就係由10個南京大屠殺倖存者家族13名倖存者後代組成，而呢個團隊係將會繼續壯大。佢哋出現嘅原因亦都相當簡單，就係為咗由日漸年邁倖存者身上傳承南京大屠殺歷史記憶嘅接力棒，繼續令更多人知道大屠殺嘅歷史真相，為死難者取回公道！
有份參加儀式嘅南京市小學生就表示，作為土生土長嘅南京學生，永遠都唔會忘記侵華日軍喺呢片土地上所犯過嘅滔天罪行；至於其中一位倖存者夏淑琴嘅外孫女夏媛就直言，「要把南京大屠殺的歷史真相代代傳承下去」！
原圖嚟自網絡